Komertzialak gai edo salgai ezberdinen inguruan modu ondraduan hitz egiten jartzen dituen Youtube atariko bideo sorta bat da “If commercials were honest”.
Hautatu dugun kasuan, edabe magikoa da saltzaileak ahotan hartzen duen gaia, baina ez Asterix ta Obelix galoei Panoramix druidak prestatzen diena, kirolariek izerdi apur bat bota bezain pronto hartzen duten azukretsua baino: Kirol edaria.
Kirolaria izan edo ez, ezagutuko dituzu isotoniko edo energetiko deitzen dituzten edariak, merkatua kolore guztitako botilez josita dago-ta.
Egungo gizartearen isla dira, bentakoa ez den gogo bat asetzera baitatoz askotan, sortu berria zaigun behar faltsua. Eta iragarkiek gure osasunerako ezin aproposagoak direla dioten arren, ez da beti horrela izaten.
.
Arriskuak
Edari isotonikoak ez dira osasungarriak guztiontzako, ta ez zenituzke hartu beharko oso kirolaria ez bazara; bideoko komertzial zintzoak esan digun bezala, arriskutsuak izan daitezke osasunerako.
Kirolaria ez denak sodio ta potasio mineral kantitate extra hartzen ditu edari isotonikoak hartzean, ez baititu gorputzean dituenak galdu; ta, dakizuenez, gehiegikeria beti da kaltegarria osasunarentzako.
Horrelako edariak hartzea ohitura bihurtzen baduzu inolako kirolik egin gabe, giltzurruntako edo bihotzeko gaitzak izan ditzakegu, arritmiak…
Azukre kantitate handia dutenez, edari isotonikoek loditu egiten dute, ta diabetes gaitzak oker ditzakete.
Laburtuz, ez da horrelako edaririk sarritan edan behar kirolari amorratua ez bazara edo saio luze ta indartsua egin ez baduzu; kirol jardueran izerdiarekin gorputzak galdutako mineraleak berreskuratzeko baino ez dira aproposak.
Ez edan ura balitz bezala kirolarien edabe magikoa; saltzaile zintzoak dio.
Komertzial zintzoa sortako beste bi adibide:
The post Kirolarien edabe magikoa (saltzaile zintzoa) appeared first on zuzeu.eus.