Asteburu honetan: Tomate eta hegaluze entsalada

Asteburu honetarako tomate eta atunarekin entsalada goxo frexko ezin aproposagoa. On egin!

…

Tomate eta hegaluze entsalada

…

Plater honen osagai nagusiak uda garaiko bi produktu dira, berez, baina urte guztian ere aurki ditzakegu, tomateen kasuan, hain bikainak ez izan arren.

Osagaiak:

2 Tomate
hegaluze kontserba pote bat
tipulina bat
baratxuri atal bat
oliba olioa
gatza

Errezeta:

Baratxuri atala erdibitu eta entsalada zerbitzatuko den azpil edo platerean igurtzi.
Tomateak garbitu eta “ipurdiz gora” zerra aiztoarekin zati irregularrak ebaki. Horrela haragi zati handiagoak lortzen dira. Platerean jarri eta gatz apur bat gehitu.
Hegaluze poteari olioa kendu eta haragia tomatearen gainetik zabaldu zatiak gehiegi txikitu gabe.
Tipulina, bi eratan prestatu daiteke eta biak dira baliagarri. Lehena, “juliana” eran, eta bigarrena zati txiki-txikitan. Biak hegaluzearen gainetik zabaldu behar dira.
Azkenik oliba olio txorrotxatxoa nahieran gehitu jan aurretik.

…

Kasu!

Oso lagungarri zaio entsalada honi edozein hosto fresko mota. Albahaka hostoak adibidez.

Asteburu honetan: Tomate eta hegaluze entsalada

Errezeta gehiago…