Erantzuna ez dago haizean
Ez dugu uda erraza izan ZuZeu gobernatzen dugunok: zer ez ote da esan guri buruz eta geure kontra sare sozialetan eta abarretan hemen argitaratu ditugunak direla eta!
Batez ere, gure erabiltzaileek eginiko bi gairen inguruko sarrera eta iruzkinen aurrean ukan dugun portaera editorialagatik izan da hori. Alegia, ez ditugulako zentsuratu eta galerazi zenbait iritzi, genero kontua eta arrazakeria dela eta. Batez ere. Sexistak garela, arrazistak, misoginoak, nazizaleak…
Inon baldin bada, han ere ez da erraza izango izaera honetako orainkari horizontal bat kudeatzea, Frantzian, Finlandian, Marokon, Txinan… Hemen ere ez da mauka. Zinez.
Zer esan dezakegu ZuZeu egiten dugunon iritziaz arrazakeriaz, sexismoaz edo beste zeinahi gairi buruz? Nondik hasi gauzak erantzuten? Bat ote gatoz geu denok? Nola jokatu hainbat akusazioren aurrean? Erantzutea komeni da ala ixilik geratzea hobe? Horiexek izan dira gure galderetako batzuk eta ez gara beti bat etorri erantzunetan.
Guretzat ez da berria hau guztia, lehen ere ibilitakoak gara antzeko uretan igeri. Ez behin eta ez birritan. Horixe dauka zama geuretzat hartua dugun bideak. Aski litzateke gure artxiboetako dozena erdi sarrera estekatzea, benetan dihardugula erakusteko, baina nahiago sarrera honen amaieran udan esan direnetako gehienak argitaratu eta ur zaharragoak ez harrotzen ez hastea. Ez dezagun, bada, atzera begiratu edo, bederen, ez gaitezen betikoan geratu. Goazen aitzina, nora oso segur ez badakigu ere.
Soilik erabaki dugu, gure ustez ZUZEUK eskatzen dituen erabilera baldintzak betetzen badira, ezer ez moztea, irentzea, zentsuratzea, debekatzea. Sekula ere ez. Gaia zaila edo zatarra izan arren, higuina sentituta ere, gure horizontaltasunari erregetza moduko bat ematea erabaki dugu. Edo erregintza bat, prefosta.
Halako irainen aurrean ez dugu deus esatekorik, ezagutzen ez gaituzten seinale. Eta geuk bezalaxe, haizeak ere ez du erantzunik, beste batzuek dute hori. Zorionez. Geure orakulu maiteak ditugu eta haiek dute gure ordez erantzuten:
…
Ez daude denak, baina tira:
@zuzeu ez nuen espero! Ez duzue lotsarik! http://t.co/7XiZdfBVG0 hau jarrita ez landu gero gai feministak! LOTSAGABEAK!!
— Josebe Iturrioz (@JosebeIturrioz) July 15, 2015
@JosebeIturrioz @zuzeu nazi bati iritzia ematen utzi euskeraren inguruan, gauza bera da! Artikulua inpresentablea, zuzeu a ze lastima!
— Medeak (@MedeakTF) July 15, 2015
@zuzeu zelako dezepzioa benetan. Nola publikatzen diozue euskal herriko tipo matxistenari! Nola da posible? Esango didazue zerbait, mesedez.
— Josebe Iturrioz (@JosebeIturrioz) July 15, 2015
Anonimo batek pirripirria eduki du @zuzeu n eta kakaz zipriztindurik utzi du dena. Komentatzera nindoan, baina buf, hats honekin ezin dut.
— Ana I. Morales (@AnaisNi) July 16, 2015
@AnaisNi @zuzeu horizontaltasuna oso itsusia izan daiteke @JosebeIturrioz
— txerren (@txerren) July 16, 2015
@txerren Backfire, bai. Ez dakit zein den politika zuzena, baina halakoak kolatzen badira, edozer kola daiteke. @zuzeu @JosebeIturrioz
— Ana I. Morales (@AnaisNi) July 16, 2015
@txerren Agian anonimotasuna debekatu egin beharko lukete behintzat. @zuzeu @JosebeIturrioz
— Ana I. Morales (@AnaisNi) July 16, 2015
@AnaisNi @JosebeIturrioz izan zen eztabaida bat ez hain aspaldi @zuzeu|n, Krutwigdar misogino baten "ekarpenen" harira. Ez da erraza.
— txerren (@txerren) July 16, 2015
@txerren Ez da.BTW, asmoa alde batera utzita, "artikulua" txarra ez, txarragoa. DBHko lan kutrera ere ez da heltzen @JosebeIturrioz @zuzeu
— Ana I. Morales (@AnaisNi) July 16, 2015
Atzo @JosebeIturrioz ek "@zuzeu Ez duzue lotsarik! http://t.co/5LWXBaphlx … ez landu gero gai feministak! LOTSAGABEAK!" @daneleSM @txargain
— Jule Goikoetxea (@JuleGoi) July 16, 2015
@txerren @AnaisNi @JosebeIturrioz @zuzeu Erraza da. Horizontaltasunak ezin du jendearen eskubideen kontra aritzeko aitzakia izan 1/X
— Pilon (@pmendibil) July 16, 2015
@txerren erraza da, lerro editoriala eduki @AnaisNi @JosebeIturrioz @zuzeu
— Jule Goikoetxea (@JuleGoi) July 16, 2015
.@zuzeu Emakumeen eskubideen aldeko borrokan barrikadaren aldea hautatu beharra dago: genero-indarkeria zuritzen dutenekin ala haien kontra
— Maria Colera (@mariacolera) July 16, 2015
@txerren @AnaisNi @JosebeIturrioz @zuzeu errezeloa daukat eztabaida hori emakumeen gaiekin gertatzen dela bereziki. Nik garbi daukat 2/X
— Pilon (@pmendibil) July 16, 2015
@txerren @AnaisNi @JosebeIturrioz @zuzeu gure duintasun eta eskubideen kontra ari direnei leiho bat irekitzen dietenekin ez naiz egongo 3/3
— Pilon (@pmendibil) July 16, 2015
@pmendibil @txerren @AnaisNi @JosebeIturrioz @zuzeu Ni ere ez!
— Jule Goikoetxea (@JuleGoi) July 16, 2015
@pmendibil @txerren @AnaisNi @zuzeu hori ez da horizontaltasuna! Esatw baterako: Nazi bati iritzia ematen utziko diozue?
— Josebe Iturrioz (@JosebeIturrioz) July 16, 2015
@JosebeIturrioz de facto, uzten diete @pmendibil @txerren @AnaisNi @zuzeu
— Iban Zaldua (@IbanZ) July 16, 2015
@zuzeu-k aspalditik ematen dio bazka troll matxista kuadrilari komentarioak jartzen uzten. Orain artikulogile egin ditu. Aupa zuek!
— Kattalin Miner (@MinerKattalin) July 16, 2015
@IbanZ @pmendibil @txerren @AnaisNi @zuzeu ba hori horrela bada, bukatu da zuzeu niretzako
— Josebe Iturrioz (@JosebeIturrioz) July 16, 2015
@pmendibil @AnaisNi @JosebeIturrioz @zuzeu ez da emakumeekin bakarrik gertatzen. Iritzi xenofoboak ere irakurri ditut nik. 1/2
— txerren (@txerren) July 16, 2015
@pmendibil @AnaisNi @JosebeIturrioz zalantzak sortzen dizkit gaiak. Nik erantzun potente bat irakurriko nuke gustora @zuzeu|n bertan. 2/2
— txerren (@txerren) July 16, 2015
@txerren @AnaisNi @JosebeIturrioz @zuzeu ba nik, @zuzeu k egoera konpondu arte, ez daukat hor ezer idazteko intentziorik! #MeLasPiro
— Pilon (@pmendibil) July 16, 2015
@txerren eta handiagoak ere! Baina niretzako @zuzeu beste zerbait da/zen eta gehiago eskatzen diot/nion! Oso didaktikoa izan da Aio!
— Pilon (@pmendibil) July 16, 2015
Arazo bat daukate @zuzeu-n. Arazo bat daukagu EHn. pic.twitter.com/EOaI1QwiaW
— kimo (@KimoKalea) July 19, 2015
Matxistak, deseroso Matxista euskaldunak jo eta su ari dira sarean iruzkinak idazten, minduta dauden seinale http://t.co/QtDjv4Xafx
— leire narbaiza arizm (@txargain) July 16, 2015
Trolgintzari buruz 1) aurre egiteko bideak https://t.co/dxDZEp0yy1 eta 2) feministen aurkako fenomenoaz zehazki http://t.co/0HqVQb6t9j
— Danele (@daneleSM) July 17, 2015
Erantzuna ez dago haizean bidalketa lehenengo zuzeu.eus-(e)n agertu zen.