Hamaika roletan ikusi dugu Aitziber Garmendia aktorea (Zaldibia, 1982): Telebistan zein taula gainean, bere ohiko irribarre bihurriarekin ‘Martin’ telesailean edota ‘Zuek hor’ eta ‘Batek Daki’ saioan. ‘Uda gau bateko ametsa’ antzezlanean amets egitera gonbidatu gintuen; eta Garmendiak, zerekin egiten du amets?
• Noizbait bero-bero jarri zaituen telesaila?
Telesailik ez, baina Historias del Cronen filma ikusi nuen nerabezaroan eta eszena erotikoekin erabat aztoratuta irten ginela gogoratzen dut!
• Noiz eman zenuen zure lehen muxua?
15 urterekin, eta nazka piskat eman zidan.
• Zure ustez, zer da zita batean inoiz esan behar ez dena?
Telebistan altuagoa ematen duzu. Esan izan didate…
• Zein da ligatzeko erabili duzun trikimailurik onena?
Kasurik ez egitea, pentsatuz nigan ez zela sekula fijatuko. Baina ez zen trikimailu konsziente bat izan.
• Ze menu prestatuko zenuke lehen zita batean?
Babarrunak odolkiarekin. Jakin dezala lehenengo momentutik zein den nire plater gogokoena.
• Ze abestirekin izan duzu arrakasta?
Georgie Dannen La barbacoarekin. Lotsagarria da, badakit.
• Inoiz eman dizuten gomendiorik onena ligatzeko?
Puzker bat bota berritan ez gerturatu.
• Eta txarrena?
Ilea asko ikutu eta ezpainei kozka egin, gustukoa dudala konturatu dadin. Ez du funtzionatzen, zorriak nituela ematen zuen.
IRAKURRI GEHIAGO: GAZTEZULO.EUS
Aitziber Garmendia: ”Babarrunak odolkiarekin prestatuko nituzke lehen zita batean” bidalketa lehenengo ZUZEU-(e)n agertu zen.