Zinema Euskaraz: Harri zopa >
“Harri_zopa”, haurrei zuzendutako pelikula bilduma euskaraz estreinatuko da zinemetan, datorren martxoaren 24an.
Zineuskadik sustatzen duen Zinema Euskaraz programaren barruan proiektatuko den film bilduma da “Harri_Zopa eta beste zenbait alderantzizko ipuin”, 3 eta 8 urte bitarteko umeentzako aproposa.
.
Rita & Luca banatzaile independentearen ekoizpena, kondairak eta mundu osoko neska-mutilen ohiturak jasotzen dituen film laburren sorta da. Buho del Cinek xarmaz, fantasiaz eta umorez apaindutako bost istorio aurkezten dizkigu. Hontza izango da, gainera, istorio guztien arteko zubi lana egingo duen pertsonaia. Orotara, 40 minutu inguruko iraupena dute bost film laburrek:.
- “Ardiak zenbatzera”
- “Janztearen abentura”
- “Eskularrua”
- “Harri_zopa”
- “Gailetaren ihesaldia”
Aurki emango da ezagutzera film laburren bilduma zein aretotan proiektatuko den.
.
“Harri Zopa” film sorta estreinatu ostean, datorren apirilaren 7an, “Igelen Erresuma” filma aurkeztuko du Zinema Euskaraz programak.
. . . . . . . . . . . . . . . . . . . . . .
Zinema Euskaraz: Harri zopa
Zinema Euskaraz: Harri zopa bidalketa lehenengo ZUZEU-(e)n agertu zen.