Sozialismoaren mamua AEBtan dabil
Karl Marxek bi lan nagusi idatzi zituen: “Kapitala” eta “Alderdi Komunistaren Manifestua”. Bigarren horren lerroen hasieran, oso esaera ezaguna dago: “mamu bat Europa zeharkatzen ari da”. Mamu horren izena “Komunismoa” edo “Sozialismoa” da.
Orain, badirudi mamuak txarter bidaia hartu eta, ziztu bizian, Atlankiko ozeanoaren beste ertzera heldu dela. Agian Sovietar Batasunaren “desager-pena” izan da erabaki horren jatorria; beste pentsalari batzuek, ordea, argudiatuko dute mamarro horrek sekula ere ez duela benetako Komunismoa ikusi. Dena dela, garraio berriak aprobetxatuz mugitzeko erabakia hartu du, eta komunikabideek ohartarazi dutenez bronkarako gogoarekin joan da.
Hain zuzen ere, azken bolada honetan Alderdi Demokrataren bulegoetan dabil hautsak astintzen. Horretaz gain, batzuen hitzetan, mamu argi hau Sandersen gorputzean sartu da, eta era horretan, Demokratek inoiz izan duten hautagai erradikal bihurtu da. Gauzak horrela, eta Klinton andereñoa albo batera utzita, Etxe Zuriaren hurrengo presidentea, derrigorrez, mamu bat izango da; hots: Bernie Sanders ala Donald Trump.
Sozialismoaren mamua AEBtan dabil
Sozialismoaren mamua AEBtan dabil bidalketa lehenengo ZUZEU-(e)n agertu zen.