40 urtekoa ez da gaztea
Twitterren izan dut titular ikaragarri honen berri:
Eskerrak ez dagoen Xebastian edo Peña kantuan… pic.twitter.com/ysHMC2hKSo
— Xabi Igoa Eriz (@igoa9) May 20, 2016
Joseba Lezetak idatzi du, Gipuzkoako egunkari salduenean. Izenburuari esker beheran idatzi duenari garrantzi osoa kentzea lortu du, zeren eta gaztetasun eta zahartasunaren inguruko eztabaida askoz ere kitzikagarriagoa da Antzuolako bertso saioaren ingurukoa baino (niretzat bederen). Hiru bertsolari gazteak (Alaia Martin, Unai Mendizabal eta Mikel Artola) 23-29 urte bitartekoak direla esango nuke; 40 urtekoa, izenburuan adjektiborik gabekoa, Unai Agirre da. Beraz, Lezetak gaztetasun eta ondoren datorren dena delakoaren arteko muga 29-40 bitarte ezarri du.
Ze ote dago izenburu honen atzean? Lezetaren mendeku bat al da Agirreren aurka ezagutzen ez dugun arrrazoiren batengatik? Diario Fatxoko erredakzioan inork ez zekien euskaraz Lezetaren inguruan eta ez dute ohartarazi ez dela oso izenburu aproposa? Gaztetasun eta zahartzaroaren arteko ikamika amaiezina bukatu nahi al dute?
Afera honen bueltan interesgarriena, zalantza izpirik gabe, Unai Agirrek esateko daukana da. Baina zuek zer diozue? Ez al zarete gazteak 40 urtekoak? Ba al daude 25 urteko agureak?
Eta garrantzitsunea, zenbait urte dauzka Joseba Lezetak?
40 urtekoa ez da gaztea
40 urtekoa ez da gaztea bidalketa lehenengo ZUZEU-(e)n agertu zen.