EGAko ahozko azterketa (Hiri Kondairak)
Ingelesez, AFOAF esaten omen zaie (A Friend Of A Friend), eta lagun batek kontatutako gezurretako istorio sinesgarriak dira (Lagun Baten Lagun Batek). Benetakoak balira bezala zabaltzen dira, eta gurera ere iritsi dira. Are gehiago, hemen bertan gertatu balira bezala zabaltzen dira. Nolabait, euskalherriratu egin ditugu.
EGA azterketaren polemika baretu den honetan, EGAko ahozko azterketa batean gertatu omen zen pasadizo bat dakarkizuet.
.
Gure protagonista EGAren ahozko azterketa egin behar duen gazte bat da. Sartu omen da gaztea ahozko azterketa egiteko gelan, eta aurrez aurre aurkitu ditu aztertzaileak. Serio daude, isilik. Gaztea eseri egin da, eta aztertzaileen aurrean geratu da. Segundo luze batzuetan aztertzaileek zerbait galdetu zain geratu da, baina inork ez du deus esan.
Ez dirudi pasadizoa benetakoa denik: ez dago inon argitaratuta, inoiz ez da esaten nori gertatu zitzaion, ez non, ez noiz…
Hala ere, istorioak sekulako zabalkundea izaten du euskaltegietan eta EGA azterketa egin behar duten gazteen artean.
Gehiago ematen du ohiko akats bat zuzentzeko zabaldutako gezurretako pasadizo, baina… Auskalo!
Zer? Ez duzula anekdota ulertu? Marimaistrak argituko dizu:
Twiterren bidez, txiolari hauek istorioa kontatu dietela onartu dute:
@martin_kitto nik kontatu izan diet ikasleei! XD
Beti leienda urbano zela esan izan diet, baina a posteriori! #EmatenDidazuOrriBat?— leire narbaiza arizm (@txargain) 2015(e)ko abuztuak 20
Baita nik ere… ;-))) Are: niri ahozkoa egitera joan nintzen egunean kontatu zidaten… Oraindik gogoan dut…. https://t.co/MjpwBnF9SD
— Xabier Etxaniz Rojo (@xabietxaniz) 2015(e)ko abuztuak 20
@martin_kitto guri ere kontatu ziguten hori azterketa egin aurretik. Ta ziur nago ez zela inor horrela hasi!
— Asier (@Katxiporreta_) 2015(e)ko abuztuak 20
@martin_kitto guri “atea isten det? Bai baina kanpotik” bertsioa kontatzen ziguten
— Nahia (@nahiaetaezina) 2015(e)ko abuztuak 20
@martin_kitto guri ere kontatu ziguten; ‘hasten gara?’ beharrean, ‘ahal det hasi?’ esapidearekin. #euskalleiendaurbanoak
— Eneritz Albizu (@marimototx) 2015(e)ko abuztuak 20
@martin_kitto Nik entzun nuen bat azterketan sartu eta bere aitaz galdetzean ikasleak erantzun: “playa jun da periodikua irakurtzea”.
— Urtzi (@UrtziPurtzi) 2015(e)ko abuztuak 21
@martin_kitto Irakasleak ikaslearen aurpegia ikusita “lasai, grabagailua itzalita dago” esan zuen. Azkenean gainditu omen zuen azterketa.
— Urtzi (@UrtziPurtzi) 2015(e)ko abuztuak 21
.
Eta leienda berri bat asmatzeko proposamena ere jaso dugu:
@martin_kitto @xabietxaniz ergatiboarekin istorioren bat asmatu beharko da ba! Hitz egin dezatela euskara irakasleek haien artean
— Asier (@Katxiporreta_) 2015(e)ko abuztuak 20
.
Halako istoriorik badakizu, estimatuko nuke bidaltzea, zabalkundea emateko. Posta elektroniko hau dut: martinkitto3@gmail.com. Bestela, Twitterren ere aritzen naiz, eta #euskalleiendaurbanoak erabil dezakezu.
.
.
Egiaz edo gezurraz harago, Katxonderstango Errepublika dago: deprimiturik eta oprimiturik gabeko lurraldea
.
EGAko ahozko azterketa EGAko ahozko azterketa EGAko ahozko azterketa
EGAko ahozko azterketa (Hiri Kondairak) bidalketa lehenengo ZUZEU-(e)n agertu zen.